Степан Павлович Широбоков
1912–1983
Удмуртиысь калык кылбурчи, драматург.
Литературно-биографической экскурсия
1912–1983
Удмуртиысь калык кылбурчи, драматург.
Степан Павлович Широбоков вордӥськиз 1912-тӥ арын 18-тӥ толсуре Шаркан ёросысь Вортча Починка (Малый Казес) гуртын. Татын ортчиз солэн пинал дырыз.
Степан Широбоковез асьсэлэн каро дэбесъёс но. Трос аръёс ӵоже со улӥз, дышетскиз но ужаз, Дебесын. Трос кылбур чуръёсыз сӥземын дэбес музъемлы, Чупчи но Байгурезь палъёслы, та палась кылыклы.
«Тыловай топольёс» кырӟанэз но сӥземын дэбес музъемлы.
Кылъёсыз С. Широбоковлэн, крезьгурез Г. Корепанов-Камскийлэн, быдэстэ Удмурт Элькунысь эктонъя но кырӟанъя «Италмас» кун ансамбль.
Дебес педтехникумез йылпумъяса, Степан Широбоков дышетӥсьын ужаз. 1937–1939-тӥ аръёсы дышетскиз Ижевскысь учительской институтлэн естественно-географической факультетаз, собере ужаз Дэбес ёросысь сизьымклассъем Тольён школаын.
1939-тӥ арын белофиннъёслы пумит ожмаськиз, сӧсырмыны шедиз. Фашистъёсын война кутскон вакытэ Степан «Лесагурт» колхозлэн председателез вал. 1942-тӥ арын, бусы ужъёс бырем бере, со оже кошкиз, Украинской фронтэ шедиз. Быдӟым атыкай ожлэн фронтъёсаз кузь но дано сюресэз ортчиз. Вормонэз Австриын пумитаз. Гуртэ берытскиз боевой медальёсын.
Степан Широбоковлэн кылбуретаз пӧртэм темаос пумисько: ас шаердэ, пичи родинадэ данъян, яратон, шудо улон, шумпотон но инкуазез котыр ласянь чеберен, яркыт буёлэн суредан. Солэсь творчествозэ куинь люкетлы висъяны луоз: граждан лирика, ожмаськон лирика но яратон лирика.
Степан Павлович Быдӟым атыкай ожлэн тылӝуэз пыртӥ потэм адями. Со адӟиз калыклэсь курадӟемзэ, фашистъёслэсь сьӧсьяськемзэс, асьме солдатъёслэсь кышкатэк ожмаськемзэс. Ваньзэ сое возьматыны тыршиз 1945-тӥ арын потэм «Ожмаськон лудын» нырысетӥ кылбур бичетаз но ар улыса потэм «Кык вынъёс» поэмаяз.
Автор шонер но оскымон возьматыны быгатэм советской калыклэсь война аръёсы мылкыдзэ. Солэн лирической героез, улэп мурт кадь, син азе пуксе. Со быгатэ шумпотыны но куректыны, яратыны но йыркуръяськыны, малпаськыны но кышкатэк ожмаськыны…
Р. И. Яшина
Ож вакыт кылдэм кылбуръёсыз потӥзы дас кылбур бичетъёсын. Соос пӧлысь тужгес но тодмоосыз:
Кылбуръёсаз но кырӟанъёсаз кылбурчи данъя адямиез, шаермес, инкуазьмес. Кылбуръёсыз пачылало шудо улонлы осконэн.
Тонэ лымы-а шобыртэ,
Лудын тудву-а куашетэ,
Ю-нянь-а веттаське, шудэ,
Сӥзьыл нюлэс-а льӧлектэ —
Россия, котьку тон чебер!
Россия — вордӥськем шаер!
С. Широбоков. «Россия»
С. Широбоков трос кылбуръёс, пьесаос, нылпиослы веросъёс кельтӥз. Гожъясьчи огшоры кадь но тунсыко покчиослэн шумпотонъёссы но сюлмаськонъёссы сярысь гожтэ, удмурт шаерзэс яратыны дышетэ.
1964-тӥ арын Степан Широбоков йылпумъяз «Кырӟан сюрес шедьтэ» повестьсэ. Та произведение сӥземын Геннадий Михайлович Корепанов-Камскийлы.
50-тӥ аръёслэн пумаз Степан Павлович пьесаос гожъян борды кутске. Со гожтӥз даслэсь ятыр пьесаос, кык комедия но драма.
«Чукдор» пьесаез пыртэмын удмурт но ӟуч театръёслэн репертуаразы. Удмурт драмтеатрын «Кионлэн сюресэз аслаз» нимын М. Покчи-Петров 1956-тӥ арын пуктӥз, нош ӟуч драмтеатрлэн сцена вылаз «У волка своя тропа» нимын 1958-тӥ арын мынӥз.
1961-тӥ арын Удмурт театрлэн сценаез вылын мынэм «Яратон ке ӧвӧл» спектакльлэн программкаез.
С. П. Широбоков ас удысаз бадӟым пытьы кельтӥз прозаын но, кылбуретын но, драматургиын но. Юнме ӧвӧл, Степан Широбоковлы нырысьсэ Удмуртиысь калык кылбурась дано ним сётэмын.
Степан Павлович Широбоковез буре вайыса но сӥлы карыса, Дэбесысь одӥгез выль урам кылбурчилэн нимыныз нимамын.
