Игнатий Гаврилович Гаврилов
1912–1973
Драматург, кылбурчи, прозаик, кылысь кылэ берыктӥсь, артист. УАССР-лэн Кун премиезлэн лауреатэз.
УАССР-лэн Кун премиеныз И. Гаврилов пусъемын «Жингрес сӥзьыл» пьесаез понна.
Литературно-биографической экскурсия
1912–1973
Драматург, кылбурчи, прозаик, кылысь кылэ берыктӥсь, артист. УАССР-лэн Кун премиезлэн лауреатэз.
УАССР-лэн Кун премиеныз И. Гаврилов пусъемын «Жингрес сӥзьыл» пьесаез понна.
Кужым сётӥд, куара сётӥд,
Дас кык сиё крезь сётӥд,
Ас калыкме, ас шаерме
Яратыны дышетӥд.
Вордӥськиз туала Можга ёросысь Бадӟым Сибы гуртын.
Школаын сое дышетӥз тодмо ӟуч дышетӥсь Вера Васильевна Толстая, пичи дырысеныз пычатӥз солы литератураез но калык творчествоез яратон мылкыд.
1924-тӥ арын И. Гаврилов пыриз Можга педтехникуме. Дышетскиз вуоно писательёсын ӵош: Г. Медведевен, М. Коноваловен, И. Соловьевен, Ф. Кедровен, И. Курбатовен, Т. Архиповен но мукетъёсыныз. Ваньзы ӵошен литературая кружоке мылысь-кыдысь пыриськизы. Дышетскон аръёссэ тодаз вайыса, Игнатий Гаврилович берло гожтоз «Тодам ваисько» (1978) книгазэ.
1927-тӥ арын И. Гавриловлэн «Гудыри» газетын потӥз «Ой, мемие» нырысетӥ кылбурез. Вуоно гожъяськись лыдӟисьлы Гави Йыги нимын тодмо луиз.
1928-тӥ арын, Можга педтехникумысь курссэс Ижысь педтехникуме выжтэм бере, И. Гаврилов Ижкаре вуэ но матысь дыре дышетскон ӧрзэ чутрак воштоно луэ (атайзэ узыръёс пӧлы пыртэмен, солы стипендия уг тыро). Егит пияш Удмурт клублэн театральной школаяз пыре но режиссёре дышетске. 1930-тӥ арын И. Гаврилов «Вало ӧр куашетэ» пьеса гожтэ.
1931-тӥ арын 7-тӥ тулыспалэ «Вало ӧр куашетэ» спектакльлэн премьераез ортчиз. Игнатий Гавриловлэн та пьесаез Удмурт драмтеатрлэн историезлы кутскон сётӥз.
1932-тӥ арын И. Гаврилов Москваысь Театр искусствоосъя А. В. Луначарский нимо кун институтэ пыре. Со дырысен гожъясьчи ас улонзэ быдэсак Удмурт драмтеатрен герӟа.
1942 арын, ас мылкыд каремезъя, И. Гаврилов фронтэ кошке. Быдӟым тыложысь бертыса, гожъясьчи Удмурт театрлэн директорез луэ.
И. Гаврилов тыршиз литературалэн пӧртэм удысъёсаз: нылпиослы кылбуръёс но басняос, веросъёс но выжыкылъёс, пьесаос, веросъёс, повестьёс но романъёс гожъяз.
Кылбурет удысын устоесь произведениос кылдытӥз, соос пӧлын — чебересь лирической кырзанъёсыз но, синмаськымон «Санӥ» поэмаез. Прозазэ ке басьтоно, тужгес яркытэсь ужъёсыз — «Вордӥськем палъёсын» трилогиез но «Кыдёкысь бригадаын» повестез.
Тужгес но бадӟым азинсконъёсыз Игнатий Гавриловлэн драматургия удысын луо. Выльысь но выльысь пьесаосыз Удмурт драмтеатрын мыныса, туннэ нуналозь ӧз вужме на.
Игнатий Гавриловлэн нимыз люконтэм герӟаськемын быдэс удмурт искусствоен но литератураен. Пьесаос гинэ ог ньыльдон пала гожтйз со. Жанръёссыя соос пӧртэмесь. Темаоссыя — уката ик: туж вашкала дырысен туннэ нуналозь улон возьматэмын. Бадӟымесь характеръёс. Асьме улонысьтымы басьтэм геройёс. Вунэтонтэм кылизы поэтлэн кылбуръёсыз. Со озьы ик усто прозаик но. Роман-трилогия, повесть, веросъёс, тодэ ваёнъёс. Ваньмыз со трос пӧртэм произведениос удмурт литератураез шӧдскымон узырмытйзы.
А. А. Ермолаев
Гаврилов был одним из наиболее продуктивных творцов в удмуртской литературе <…>. Во всех жанрах литературы создал ценные, значительные произведения, которые даже по сочному, выразительному языку являются лучшими в удмуртской литературе…
П. Домокош
Тодэ, кытын сылэ Игнатий Гавриловлы сӥзем та синпелет.
