Удмуртъёс пӧлысь нырысетӥез дышетӥсь но тодосчи. Этнограф, фольклорист, гожъясьчи, югдытӥсь но священнослужитель.
Григорий Егорович Верещагин вордӥськиз 1851-тӥ арын 11-тӥ коньывуонэ Кез ёросысь Полом черкогуртын. Сарапулысь реальной училищеез йылпумъямез бере (1870), ужаз волостной подъясь (писарь) луыса, Шаркан но Сосновка черкогуртъёсын но Ляльшур гуртын дышетӥсьын.
Шаркан ёросысь Ляльшур гуртын улон но ужан вакытаз, 1887-тӥ арын Григорий Егорович земской школа усьтӥз. Нылпиосты лыдъяськыны, гожъяськыны, удмурт но ӟуч кыллы дышетӥз, Закон божийез нуиз.
Г. Е. Верещагинлэн Шаркан ёросысь Ляльшур гуртын улэм коркаез.Г. Е. Верещагинлэн Шаркан ёросысь Ляльшур гуртын улэм коркаез.
Г. Верещагин духовной санэ выжиз но 1895–1900-тӥ аръёсы диакон луыса служба нуиз Елабугаын, 1900–1917-тӥ аръёсы огдыре священник но, дышетӥсь но вал туала Пичи Пурга ёросысь Бураново черкогуртын.
Г. Е. Верещагинлэн синмаськымонэсь тодос ужъёсыз кылемын:
Верещагин Г. Е. О книгах на вотском языке — Вятка: Губернская типография, 1895.— 21 с.
Верещагин Г. Е. Руководство к изучению вотского языка / Удморт.— Ижевск: Удкнига, 1924 (Ижправда).— 120 с.
Григорий Верещагинлэн «Вотяки Сосновского края» но «Вотяки Сарапульского уезда Вятской губернии» ужъёсыз Санкт-Петербургысь Ӟуч Географической обществоен кык азвесь медален пусъемын.
Верещагин Г. Е. Вотяки Сарапульского уезда Вятской губ.— С.-Петербург: Тип. И. Н. Скороходова, 1889.— 197 с.
Верещагин Г. Е. Вотяки Сосновского края / Предисл. П. А. Соколовского.— С.-Петербург: Тип. М-ва внутр. дел, 1886.— 218 с.
Григорий Егоровичлэн кылбуръёсыз, кырӟанъёсыз но выжыкылъёсыз потэмын «Чагыр, чагыр дыдыке…» но «Куазие, куазие…» книгаосын.
Верещагин Г. Е. Чагыр, чагыр дыдыке…: кылбуръёс но поэмаос, [статьяос] / Послесловизэ гожтӥз И. П. Тукаев; люказ, азькылзэ гожтӥз но берыктӥз П. К. Поздеев.— Ижевск: Удмуртия, 1984.— 89 с.
Верещагин Г. Е. Куазие, куазие…: нылпиослы кылбуръёс, кырӟанъёс / Люказ но азькылзэ гожтӥз Вениамин Ившин; суредаз Василий Мустаев.— Ижевск: Удмуртия, 2001.— 42 с.
«Чагыр, чагыр, дыдыке…»
Кылъёсыз Г. Верещагинлэн, крезьгурез Г. Корепанов-Камскийлэн, быдэстэ Г. Корепанов-Камский, Калык инструментъёсын ансамбль, дирижёрез Н. Широких.
Г. Верещагинлэн кельтэм тодон-валанъёсын шыкысэз туж узыр. Вань тодос ужъёсыз, удмурт-ӟуч кылсузьетэз, калык пӧлысь люкам выжыкылъёсыз, кырӟан-веранъёсыз, мадиськонъёсыз люкамын но туала вакытэ куать томен печатламын. Та ужен кивалтӥз профессор В. М. Ванюшев.
Г. Е. Верещагин. Собрание сочинений в шести томах. Под редаккцией В. М. Ванюшева (2002)
Тодосчи но гожъясьчи Г. Верещагин туж умой суредась но вылэм
Г. Е. Верещагинлэн басняослы иллюстрациосыз (1920-тӥ аръёс)
Монах и олень (1920-тӥ аръёс)
1892–1896-тӥ аръёсы Г. Верещагин быдэс дуннелы тодмо луэм Мултан уже эксперт-этнограф луыса пыриськиз. Солэсь экспертной заключениоссэ вылӥ дунъяз ӟуч гожъясьчи но журналист В. Г. Короленко.
Петров М. П. Вуж Мултан: роман: [для среднего и старшего школьного возраста] / Азькылэз Ф. Ермаковлэн.— Устинов: Удмуртия, 1987.— 357 с.
Афиша спектакля А. Блинова «Мултан уж» («Мултанское дело») по роману М. Петрова «Вуж Мултан» («Старый Мултан»).
Сына йырвизьдэ
Г. Е. Верещагинлэн удмурт-ӟуч кыллюкамысьтыз («Вотско-русский словарь») кылъёсты валэктонъёсынызы шонер герӟа:
ботэс
счёт
гузэмпу
дальше
ватага
паутина
какыт
член семьи
вумульы
жемчуг
озёло
кувшинка
лыдӟет
жимолость
Уже кутэм литература
Арекеева С. Т., Фёдорова Л. П., Шкляев А. Г. Удмурт литература: 10-тӥ класслы учебной пособие.— 2-тӥ изд., тупатъямын.— Ижевск: Удмуртия, 2020.– С. 15–20.
Сайт Национальной библиотеки Удмуртской Республики. URL: https://unatlib.ru
