Флор Иванович Васильев
1934–1978
Дано удмурт кылбурчи. «Времена жизни» но «Куар усён толэзе» бичетъёсыз понна УАССР-лэн Кун премиеныз пусъемын. Удмуртиысь комсомоллэн премиезлэн лауреатэз.
Литературно-биографической экскурсия
1934–1978
Дано удмурт кылбурчи. «Времена жизни» но «Куар усён толэзе» бичетъёсыз понна УАССР-лэн Кун премиеныз пусъемын. Удмуртиысь комсомоллэн премиезлэн лауреатэз.
Флор Иванович Васильев вордӥськиз 1934-тӥ арын 19-тӥ тулыспалэ Яр ёросысь Бердыш гуртын. Берлогес кылбурчи гуртэзлы сӥзем кылбураз гожтӥз: «Мынам столицае — Бердыш».
Сизьым классэз Укан черкогуртын йылпумъяса, Флор Иванович 1948-тӥ арын Глазкарысь педучилищее дышетскыны пыриз.
Берло Флор Васильев яратоно Фаинаезлы «Сётысал мон нимдэ тынэсьтыд» кылбур сузьетсэ сӥзиз.
Та сузьетэ пырем вить кылбуръёс ог-огенызы пуштроссыя, мылкыдзыя но лирической геройлэн пуш дуннееныз, поэтлэн аслаз биографиеныз герӟаськемын. Озьы ик татын зол шӧдӥсько кылбурчилэн гожъян удысэзлэн валтӥсь амалъёсыз, тодметъёсыз но. «Сётысал мон нимдэ тынэсьтыд» сузьет Флор Васильевлэн творчествояз одӥгез кужмоез произведение луэ. Куд-ог тодосчиослэн чакламзыя, Флор но Фаина нимъёс но, пе, огшорыесь ӧвӧл, соос пушкын ватэмын кадь флора но фауна кылъёслэн люконтэм пуштроссы. Зэмзэ но, флора но фауна — луло инкуазьлэн люконтэм тодметэз. Соин, оло, Флор но Фаина нимо адямиослэн но пумиськемзы, яратонзы кыӵе ке вылӥ кужымъёсын люконтэм герӟаськемын вал?
1960-тӥ арын Флор Васильевлэн нырысетӥез кылбур бичетэз потӥз. Кылбуръёсаз валтӥсь темаез — родинадэ яратон тема.
1960–1970-тӥ аръёсы огъя советской поэзиын висъяськыса азинскиз шыпыт лирика нимо ӧр. та сюрестӥ, кылсярысь, «вамышъязы» В. Соколов, Н. Рубцов, А. Жигулин, В. Солоухин, Б. Окуджава но трос мукетъёсыз ӟуч кылбурчиос. Та ӧрлэн валтӥсь малпанэз герӟаськемын вал вордскем интыез, покчи родинаез зол кесяськытэк данъян мылкыдын, соослэсь син шоры йӧтӥсьтэм, огшоры шыпыт инкуазьзэс мултэс чеберъятэк суреданэн. Та тодметъёс Флор Васильевлэн но творчествояз валтӥсь луо, соин ик удмурт кылбурчиез тодосчиос шыпыт лирик нимало.
1978-тӥ арын 44 аресъем Флор Васильев автокатастрофын бырыны шедиз.
«Ойдо вераськом» (1980) бичетсэ берпуметӥзэ кылбурчи ачиз удмурт кылын дасяса кельтӥз на.
Флор Васильевлэн ас киыныз гожтэм автобиографиез
Булат Окуджавалэн «Ах, Арбат мой, Арбат, ты — моё Отечество» кырӟан чуръёсыз бере советской поэзиын «покчи родина» сярысь, оло, самой кужмо чуръёс та!
А. Г. Шкляев
Нылпиосыд уло бере,
Кырӟан выллем
Чузъяськиськод котькуд сюлмысь.
Тудву выллем шумпотонэн тырмем
Мынам столицае — Бердыш.
Флор Васильев кырӟась но куашетӥсь но ӧвӧл — малпаськись, лыдӟисеныз лабыртӥсь но кенешись кылбурчи.
А. А. Ермолаев
Миры, моделируемые в его лирике, можно условно разъединить на три сферы: видимый, внешний мир природы, невидимый — мифологический, космологический мир предков и внутренний мир поэтического «я» <…>. …для творчества зрелого поэта характерно взаимопроникновение и взаимообусловленность всех трех «миров», создающих неразрывное единство художественного целого, наделенного признаком «семантической неоднозначности». Множественность возможных смысловых интерпретаций порождается здесь не только на уровне отдельных слов, образов, состояний лирического «я» и мира, но и на уровне поэтического текста. В нем одновременно актуализируются несколько смысловых комплексов, которые можно свести к трем семантическим аспектам: универсальное и общечеловеческое; национально-традиционное; авторское переосмысление традиционно-символического.
В. Г. Пантелеева
Тодэ, кин сярысь но кинлы сӥземын С. Ф. Васильевлэн «Эхо в лесу» книгаез.
