Роза Ивановна Яшина

Научно-биографической экскурсия

Роза Ивановна Яшина

Научно-биографической экскурсия

Костина Ксенья Георгиевна
Дышетон удысысь йӧскалык ужпумъёсты
эскеронъя тодос институтысь ӧнерчи

Роза Ивановна Яшина (Лекомцева)

01.01.1933–30.08.2022

Кылбурчи, очеркист, литературной критик, кылчи, кылосбур тодосъя кандидат, Удмурт кун университетысь доцент, профессор

Роза Ивановналэн семьяез

Роза Ивановналэн кузпалыз, Даниил Александрович Яшин — удмурт кылбурчи, литературовед, фольклорист, дышетӥсь, тодосчи, кылосбур тодосъя кандидат.

Бадӟымез пизы, Александр Даниилович Яшин — физико-математической тодосъя доктор, профессор, Удмурт кун университетысь вычислительной системаосъя но информационной технологиосъя кафедраен кивалтӥсь.

Пичиез пизы — художник-оформитель.

Даниил Александрович Яшин (1929–1988)
Александр Даниилович Яшин

Роза Ивановна Яшина вордӥськиз 1-тӥ толшоре 1933-тӥ арын Кез ёросысь Ӟуч Зязьгор (Русский Зязьгор) гуртын дышетӥсьлэн семьяяз.

Кык арескысен улӥз но быдэ вуиз Дэбес ёросысь Аргуртын (ӟуч Ариково).

1942-тӥ арын Фрунзе нимо колхозын ужаны кутскиз.

1947-тӥ арын Аргуртын 7 аресъем образование басьтыса, Дэбесысь дышетӥсьёсты дасянъя училищее дышетскыны пыриз.

1947–1951-тӥ аръёсы Дэбесысь педагогической училищеын дышетскиз.

Дэбес педучилище (1955 ар)
Дэбесысь Байгурезь

1951–1955-тӥ аръёсы Удмурт педагогической институтысь филологи факультетлэн удмурт ёзэтаз дышетскиз.

1952–1955-тӥ аръёсы Удмурт радиоын диктор луыса тыршиз.

1955–1959-тӥ аръёсы Глазкарысь 4-тӥ номеро школаын ӟуч кылъя но литературая дышетӥсь луыса ужаз.

1959–1962-тӥ аръёсы Удмурт кун педагогической институтысь удмурт кылъя но литературая кафедраын ассистент луыса тыршиз (кивалтӥсез А. А. Поздеева вал).

1962–1970-тӥ аръёсы Удмурт кун педагогической институтысь удмурт кылъя но литературая кафедраын старший преподаватель луыса ужаз.

1970-тӥ аръёсысен Удмурт кун педагогической институтын доцент луыса тыршиз.

2002-тӥ арысен — удмурт литературая но СССР-ысь калыкъёслэн литературазыя кафедраын профессор луиз.

Удмурт кун педагогической институт — Удмурт кун университет туннэ куналъёсы

1965-тӥ арын «Сравнительные конструкции в удмуртском языке» темая Тарту университетын кандидатской диссертацизэ утиз.

Поздеева Апполинария Александровна (1905–1998) — кандидатской диссертациезлэн тодослыко кивалтӥсез

«Сравнительные конструкции
в удмуртском языке» (1965)
Поздеева Апполинария Александровна
Пуко: И. В. Тараканов, Р. И. Яшина
Сыло: Д. А. Яшин, В. К. Кельмаков
Пуко (паллянысен буре): А. С. Зуева, Д. А. Яшин, Р. И. Яшина
Сыло (паллянысен буре): А. М. Семенова, Т. Г. Перевощикова, А. Г. Шкляев, Н. А. Юсаева, Г. Н. Шушакова

Роза Ивановна — научно-методической пособиослэн авторез

Удмурт стилистикая очеркъёс (1990)
Удмурт кылъя внеклассной ужъёс (1979)
Евгений Самсонов. Улэмез
но творчествоез (2003)
Степан Широбоков. Улэмез
но творчествоез сярысь (1972)

Роза Ивановна — удмурт кылъя учебникъёслэн соавторез

Удмурт кыл. 6–8-тӥ класс. Синтаксис, стилистика (Удмуртский язык. Для 6–8 класса) (1971). Соавторез А. В. Конюхова.

Удмурт кыл: 8–9-тӥ классъёслы / Огъя ред. Г. А. Ушаковлэн (Удмуртский язык: 8–9 классы. Учебник для общеобразовательных учреждений. На удмуртском языке) (2003). Соавторъёсыз Г. А. Ушаков, Н. А. Ермокина, Г. В. Горбушина, А. В. Конюхова.

Роза Ивановна — кылбурась

Удмурт кун педагогической институтлэн филологической факультетаз дышетскыкуз, Роза Иванова ассэ кылбуранын эскериз. Солэн кылбуръёсыз «Советской Удмуртия» газетын, «Молот» журналын, коллективной поэтической сборникъёсын печатласькизы.

Одӥгез сборникез — «Улон азинске. Жизнь продолжается» (1997).

«Сибирский тракт» (1989) кылбурез итальян кылэ но берыктэмын.

Со сяна, лыдӟисьёслы тодмо «Тодӥськод на-а тон?» («Помнишь ли ты?») лирической поэмаез.

Р. И. Яшина «Улон азинске» нимо сборниксэ улонысь вазь кошкем яратоно кузпалэзлы, Д. А. Яшинлы, сӥзем. Татчы со берло гожтэм кылбуръёссэ, веросъёссэ, пӧртэм ужпумъёслы сӥзем статьяоссэ пыртэм.

Война аръёслы сӥземъёсаз шӧдӥське, автор ас улонысьтыз югдуръёсты но учыръёсты гожтэм шуыса. Соос война пыр потэм котькуд адямилы матын луо, угось таӵе курадӟон-куректонъёсты ваньмызлы сямен ик удмурт семьяослы адӟоно луиз.

«Куинь сукыри» веросаз огшоры кышномуртлэн бадӟым сюлэмыз сярысь мадемын. Сютэм война аръёс но ӟеч адямилэн сюлмысьтыз мукетъёсты гажан, куректонъёссэс-бӧрдонъёссэс валан мылкыдъёсты уг куасьто-быдто. Ог-огедлы юрттытэк, со секыт аръёсты калык, оло, вормыны но ӧй быгатысал.

Тужгес но ӟеч возьматэмын анайлэн образэз: ас нылпиоссэ пумтэм яратэ ке но, сюлэм шунытсэ мукет адямиослы но тырмытэ:

Сюрид ке тон кезьыт азе
Яке лек адями кие,
Йыркур зӥбиз ке ӝытазе —
эн сӥят сюлэмдэ, пие.

«Улон азинске. Жизнь продолжается» (1997)

Роза Ивановна — кылысь кылэ берыктӥсь

Берло аръёсы Р. И. Яшина ӟуч литератураысь поэзиез удмурт кылэ берыктон бордын тыршиз. Берыктэмын А. Пушкинлэн, Н. Некрасовлэн, С. Есенинлэн ужъёссы.

Роза Ивановна луиз нырысетӥез, кин берыктӥз А. С. Пушкинлэсь «Евгений Онегин» нимо кылбуръёсын романзэ (2010-тӥ ар).

С. Есенинлэн удмурт кылэ берыктэмын 400 пала кылбуръёсыз.

«Н. А. Некрасов. Бырьем произведениос»
«Сергей Есенин. Бырьем произведениос»
«А. С. Пушкин. Евгений Онегин. Кылбуранэн роман»
«А. В. Кольцов. Бырьем произведениос»
«В. Г. Короленко. Макарлэн вӧтэз»
«А. С. Пушкин. Бырьем произведениос»

Роза Ивановна — мерлыко огазеяськонлэн кивалтӥсез

1993–1994-тӥ аръёсы Р. И. Яшина «Удмурт Кенеш» огазеяськонэн кивалтӥз.

Яшина Р. И., «Удмурт Кенеш» огазеяськонлэн кивалтӥсез, финн-угор калыкъёслэн Ассоциацизылэн исполкомезлэн заседанияз. Паллян палан — А. И. Бакулин, бур палан — Т. Н. Изотова (1994-тӥ ар)

Уже кутэм литература

  1. Официальный сайт Архивной службы Удмуртии / URL: http://gasur.ru (дата обращения: 24.11.2021).
  2. Панфилова Е. Вамыштоно ке, мед кылёз пытьы! / Удмурт дунне: вань удмуртъёслэн газетсы / Гос. Совет Удмурт. Респ., Правительство Удмурт. Респ.— Ижевск.— 2011.— №176/177 (25 нояб.)
  3. Уваров А. Роза Яшина (1933) // Писатели и литературоведы Удмуртии: биобиблиогр. справ. / сост. А. Н. Уваров.— Ижевск, 2006.— С. 186–187.
  4. Яшина Роза Ивановна: к 80-летию со дня рождения: биобиблиогр. Указ. / Науч. б-ка Удмурт. Гос. Ун-та; сост. И. В. Никитина.— Ижевск, 2012.— 68 с.

Сына йырвизьдэ

Р. И. Яшиналэн улон сюресысьтыз событиосты бӧрсьысь бӧрсе радъялэ.

  1. Удмурт кун педагогической институтысь удмурт кылъя но литературая кафедраын ужаз.
  2. Фрунзе нимо колхозын ужаны кутскиз.
  3. Аргуртын 7 аресъем образование басьтыса, Дэбесысь дышетӥсьёсты дасянъя училищеын дышетскиз.
  4. Глазкарысь 4-тӥ номеро школаын ӟуч кылъя но литературая дышетӥсь луыса ужаз.
  5. Удмурт педагогической институтысь филологи факультетлэн удмурт ёзэтаз дышетскиз.
  6. Удмурт радиоын диктор луыса тыршиз.