1975-тӥ арын «Синтаксические синонимы как средства повышения стилистической грамотности учащихся (при изучении сложноподчиненных предложений удмуртского языка в VII классе)» темая кандидатской диссертацизэ утиз.
1982-тӥ арын, дышетсконзэ йылпумъямез бере, удмурт кылъя но литературая кафедралэн доцентэз луиз. Дышетскисьёслы кылтодонъя, удмурт но ӟуч кылъёсты дышетон методикая, удмурт но ӟуч кылъёсты ӵошатыса дышетонъя лекциос лыдӟиз.
1989–1994-тӥ аръёсы Удмурт кун университетын дышетонъя проректор луыса ужаз.
1991-тӥ арын «Научные основы методики развития связной речи учащихся при изучении морфологии удмуртского языка» темая педагогика тодосъя докторской диссертацизэ утиз.
1993–2004-тӥ аръёсы Международной Восточно-Европейской университетын дышетонъя но наукая проректор луыса ужаз.
1993–1995-тӥ аръёсы Удмурт кун университетысь туала удмурт кылъя но сое дышетон методикая кафедраен кивалтӥз.
Ушаков Г. А. кышноеныз, Нина Семеновнаен, но Оксана нылыныз Удмурт кун университетлэн 2-тӥ корпусаз (1991-тӥ ар)Нырысетӥ радын пуко: Юсаева Н. А., Яшин Д. А., Шушакова Г. Н., Тараканов И. В., Семенова А. Н. Кыкетӥ радын сыло: Карпушина Л. Д., Яшина Р. И., Зуева А. С. Куинетӥ радын сыло: Ушаков Г. А., Шутов А. Ф., Кельмаков В. К, Соколов С. В.
УГПИ (УдГУ)-лэн 2-тӥ корпусэз туннэ нуналъёсыЗагуляева Б. Ш., Тараканов И. В. но Ушаков Г. А. Удмурт научно-исследовательской институтын конференциын (1984-тӥ ар)Г. А. Ушаков Удмурт кун университетын. Венгриысь тодосчиосын пумиськонын (1993-тӥ ар)
Геннадий Афанасьевич — ӟуч кылысь берыктӥсь
Г. А. Ушаков ӟуч кылысь удмурт кылэ И. А. Ильинлэсь, ӟуч религиозной философлэсь, «Книга раздумий и тихих созерцаний» ужзэ берыктӥз.
2009-тӥ арын берыктыны кутскиз тодмотэм гожъяськисьлэсь «День за днём» книгазэ.
Жаляса верано, уж пумаз вуттэмын ӧвӧл.
Геннадий Афанасьевич — тодосчи
Тодосчилэн архиваз лыдъяське 220 пала тодослыко ужъёсыз. Соос сӥземын дышетон удысысь йӧскалык ужпумъёсты эскеронлы, удмурт но ӟуч грамматикаосты ӵошатонлы, школаосын но вузъёсын кылэз но литератураез дышетон методикалы, дышетскисьёслэсь коммуникативной быгатонлыксэс кылдытонлы но азинтонлы (анай кыллэсь грамматика ласянь тодметъёссэ лыдэ басьтыса).
– Зэмзэ вераса, мон ачим но ӧй шӧдылы дышетӥсе йырме донгемме. Гуртамы шор ёзо школа ӧй вал, соин ик кытчы ке мыноно луиз <…> Мынӥ Глазове, ветлӥсько ульча кузя утчаськыса. Одӥгаз ялонысь адӟи — техникумын 40 манет стипендия сёто. Юаськыны пыри, но ӧз басьтэ — заводын ужасьёслэсь гинэ нылпиоссэс, пе, кутӥськом. Пыри мукет дышетсконтӥе — таиз, пе, педучилище. Мар со сыӵе, ачим но уг тодӥськы — стипендия гинэ мед тырозы. Ньыль эшъёс пӧлысь огнам экзаменъёсме сётӥ. Табере гуртэ бертӥ но, арлыдоос юаллясько ни: ну, кин тон табере луод? А мон уг тодӥськы — сӥзьыл мынӥ ке, юало, шуисько. Озьы сӥзьылозь быдэс гуртын но валэктӥсь ӧз шедьы, мар со «педучилище». Ма, мон дырозь гуртысьтымы палэнын дышетскемъёс ик ӧй вал.
Удмурт кылъя, литературая урокъёс но внеклассной ужъёс (1988)
Уже кутэм литература
Официальный сайт Архивной службы Удмуртии / URL: http://gasur.ru (дата обращения: 24.11.2021).
Ушаков Г. А. Мон асме ачим лэсьтӥ / Г. А. Ушаков; записала Зинаида Рябинина // Удмурт дунне.— 2004.— 21 мая.— С. 6, 11.
Ушаков Геннадий Афанасьевич: к 70-летию со дня рождения: биобиблиогр. Указ. / Науч. б-ка Удмурт. Гос. Ун-та; сост. И. В. Никитина; комп. верстка И. В. Никитина.— Ижевск, 2008.— 46 с.
