Апполинария Александровна Поздеева

Научно-биографической экскурсия

Апполинария Александровна Поздеева

Научно-биографической экскурсия

Костина Ксенья Георгиевна
Дышетон удысысь йӧскалык ужпумъёсты
эскеронъя тодос институтысь ӧнерчи

Апполинария Александровна Поздеева

31.12.1905–13.04.1998

Кылосбур тодосъя кандидат, РСФСР-ысь но УАССР-ысь наукая дано ужась, УАССР-ысь дано дышетӥсь, кылчи

Вордскиз 31-тӥ толсуре Дэбес гуртын крестьян семьяын.

1917-тӥ арын Дэбесысь кык классъем школае дышетскыны пыриз. Кыкетӥ ёзэтын дышетсконзэ та гуртын ик азьланьтӥз.

1924–1926-тӥ аръёсы Глазкарысь педагогической техникумын дышетскиз.

1926-тӥ арын Глазкарысь педагогической техникумлэн опытной школаяз покчи классъёсын дышетӥсь луыса ужаны кутскиз.

1929–1932-тӥ аръёсы Ленинградысь А. И. Герцен нимо педагогической университетын национальной меньшинствоослэн ёзэтаз дышетскиз.

1932-тӥ арысен Удмурт кун педагогической институтын удмурт кылъя дышетӥсь луыса ужаз. Со дыре ик удмурт кылэз но литератураез эскериз.

1945-тӥ арын Ленинградысь кун университетлэн финн-угор кылтодонъя кафедраезлэн аспирантураяз дышетскыны пыриз.

1949-тӥ арын «Синтаксические функции именной формы на -эз и -ыс в пермских языках» темая кылосбур тодосъя кандидатской диссертацизэ утиз. Тодослыко кивалтӥсез — Д. В. Бубрих вал.

1950–1952-тӥ аръёсы удмурт кылъя но литературая факультетлэн деканэз.

1952–1967-тӥ аръёсы Удмурт кун педагогической институтлэн удмурт кылъя но литературая кафедраеныз кивалтӥз.

Д. В. Бубрих (1890–1949)
А. А. Поздеевалэн пенсие
кошкон сярысь куриськонэз

Ректору Удмуртского госпединститута

М. П. Бабину

Зав. кафедрой удмуртского языка
и литературы Поздеевой А. А.

 

Заявление.

Прошу освободить меня от работы в связи с уходом на пенсию по возрасту с 16 июля 1967 года.

 

(подпись, 12/VI 1967 года)

 

Виза: Сенину И. Ф. для оформления приказа

Выразить благодарность за многолетнюю безупречную работу. Временное исполнение обязанности зав. кафедрой возложить на Тараканова И. В. (подпись)

Апполинария Александровна Удмуртиысь вылӥ дышетсконлэн кутсконаз сылӥз. Соослы, нырысетӥосызлы, дышетскон курсъёслы материалъёсты, учебникъёсты, пособиосты дасяно луиз.

Поздеева А. А. Элькунысь школаослы дышетскон программаос но учебникъёс бордын тыршиз. 40 ар ӵоже удмурт нылпиос А. Поздееваен (соавторъёсыз А. С. Бабинцев но А. И. Малых) дасям грамматикая кылзэс дышетӥзы.

Удмурт кыллы но литературалы дышетон программаос: проэкт; [1 люкет]: Удмурт кыл: 1 ёзо школаослы, ФЗС, ШКМ но техникумъёслы / [Обоноись уч.-метод. совет; сост.: Поздеева А. А., Поторочин Р. М., Жуйков С. П., Зеленин И.].— Ижкар: Удгиз, 1932.— 48 с.

«Нырисетӥ ёзо школаин кыл котырын ужан (лыдӟон, гож’яськон но вераськон кылэз волятон, кылэз валан) туж бадӟым уж луэ.

Малы ке шуоно, кыл – улонэз тодон-валан но ас кусыпез герӟась тӥрлык, классовой тушмонэн нюр'яськон тӥрлык луэ <…>

Азьло дышетскыны кутскыкы ик пинал’ёс мед валалозы кыллэсь кулэлыксэ (значенизэ), производство но улон вошкем’я кыллэсь вошкыса кошкемзэ, солэсь будэмзэ»

Удмурт кыллы дышетон программа:
5–7 классъёслы (1949)

Орфографияя люкам ужъёс:
семилетней но средней школалэн 5-тӥ но 6-тӥ классъёсызлы (1950)

Программа по удмуртскому языку для русских, незнающих удмуртского языка:
для кружков (1936)

Главатских А. И. Удмурт грамматика: шор ёзо школаын 5 араз дышетскон книга. 1-тӥ люкет: Морфология / А. И. Главатских; тупатъяз А. А. Поздеева.— Ижкар: Кунлэн удмурт книга поттонэз, 1933.

Удмурт кыл грамматика. 1-тӥ люкетэз: Фонетика но морфология: неполной средней но средней школалы учебник / А. А. Поздеева.— 2-тӥез издание.— Ижевск: Удмуртгосиздат, 1939.— 119 с.

Бабинцев А. С. Русский язык: [учебник для удмуртских школ]. Ч. 1: учебник для 2 и 3 классов удмуртской начальной школы / А. С. Бабинцев, А. И. Малых и А. А. Позддева.— 2-е исправленное и дополненное издание.— Ижевск: Удмуртское государственное издательство, 1934.— 101 с.

Апполинария Александровна:

Уже кутэм литература

  1. Официальный сайт Архивной службы Удмуртии / URL: http://gasur.ru (дата обращения: 24.11.2022).
  2. Официальный сайт Национальной библиотеки Удмуртской Республики / URL: https://unatlib.ru (дата обращения: 21.10.2022)
  3. Христолюбова Л. С. Ученые-удмурты: биобиблиографический справочник / Л. С. Христолюбова.— Ижевск: Удмуртия, 1997.— 860 с.
  4. Центральный государственный архив Удмуртской Республики: путеводитель по фондам и коллекциям документов личного происхождения / Комитет по делам архивов при Правительстве УР.— Ижевск: Институт компьютерных исследований, 2014.— 280 с.

Сына йырвизьдэ

  1. Поздеева А. А. Элькунысь школаослы дышетскон программаос но учебникъёс бордын тыршиз. (□ шонер / □ янгыш)
  2. А. А. Поздеева Дэри ёросын крестьян семьяын вордскиз. (□ шонер / □ янгыш)
  3. Поздеева А. А. Ленинградысь А. И. Герцен нимо педагогической университетын дышетскиз. (□ шонер / □ янгыш)
  4. А. А. Поздеева 1949-тӥ арын «Синтаксические функции именной формы на -эз и -ыс в пермских языках» темая кылосбур тодосъя кандидатской диссертацизэ утиз. (□ шонер / □ янгыш)