Петр Николаевич Перевощиков

Научно-биографической экскурсия

Петр Николаевич Перевощиков

Научно-биографической экскурсия

Костина Ксенья Георгиевна
Дышетон удысысь йӧскалык ужпумъёсты
эскеронъя тодос институтысь ӧнерчи

Петр Николаевич Перевощиков

12.01.1900–1965

Удмуртъёс пӧлысь нырысетӥез кылосбур тодосъя доктор

УАССР-ысь Верховной Советэзлэн Президиумезлэн Данъян грамотаеныз пусъемын

Вордскиз 12-тӥ толшоре 1900-тӥ арын Вятка губерниысь Глазовской уездысь Трифоново гуртын (туала Дэбес ёрос) крестьян семьяын.

Тортымын (туала Кез ёрос) покчи ёзо школаын но Глазкарысь 2-тӥ номеро школаын дышетскиз.

1919–1925-тӥ аръёсы Тортымын покчи классъёсын, собере Глазкарысь педагогической техникумын дышетӥсь луыса ужаз.

1925–1928-тӥ аръёсы Глазкарысь советской партийной школаын дышетӥсь луыса ужаз.

1928–1931-тӥ аръёсы Ленинградысь А. И. Герцен нимо кун педагогической институтлэн кылъя но литературая ёзэтаз дышетскиз.

1931–1932-тӥ аръёсы Удмурт кун педагогической институтэн кивалтӥз.

П. Н. Перевощиков Удмурт кун педагогической институтлэн нырысетӥез директорез вал.

1931–1937-тӥ аръёсы Ижкарын пӧртэм дышетсконниосын (Удмурт кун педагогической институтын, Медициная институтын, Вылӥ коммунистической сельскохозяйственной школаын, Вылӥ технической курсъёсын) удмурт но ӟуч кылъёсъя лекциос лыдӟиз.

1932–1934(1937)-тӥ аръёсы С. П. Жуйковлэн кивалтэмез улсын удмурт кылъя но литературая кафедраын ужаз.

1937–1965-тӥ аръёсы Удмурт научно-исследовательской институтын кылъя ёзэтэн кивалтӥз.

С. П. Жуйков (1891–1967)

1942–1943-тӥ аръёсы Горд армилэн 4-тӥ гаубичной артполказ рядовой луыса служить кариз. Операция бӧрсьы шугектэменыз демобилизовать каремын вал.

«За доблестный труд в Великой Отечественной войне 1941–1945 гг.» медален данъямын.

1944–1947-тӥ аръёсы Кылъя но мышлениея институтлэн аспирантураяз дышетскиз.

1947-тӥ арын «Союзы подчинения в удмуртском языке (функции и происхождение союзов шуыса, бере, дыръя)» темая кылосбур тодосъя кандидатской диссертацизэ утиз.

1959-тӥ арын «Деепричастие и деепричастные конструкции в удмуртском языке» монографизэ печатлаз.

Та уженыз 1960-тӥ арын П. Н. Перевощиков удмуртъёс пӧлын нырысетӥз кылосбур тодосъя доктор луиз.

Финноугровед, профессор Перевощиков Пётр Николаевич но солэн кышноез,
медицина тодосъя доктор, профессор Перевощикова Александра Ивановна
гуртысь библиотеказы вӧзын (1965-тӥ ар).
Кун Исторической Музейлэн сайтысьтыз басьтэмын

Пётр Николаевич — тодосчи

Удмурт кылтодонъя 30-лэсь ятыр
тодослыко ужъёс печатлаз.

П. Н. Перевощиков тодослыко ужъёсаз удмурт кыллэсь синтаксиссэ но морфологизэ, орфографизэ но пунктуацизэ эскериз. Удмурт кылын сложноподчинённой предложениослэсь кутӥськемзэс но азинскемзэс, теориен юнматыса, возьматӥз. Ӟуч-удмурт, удмурт-ӟуч, орфографияя кыллюкамъёсты кылдытонэ, удмурт кыллэсь правилооссэ радъянэ пыриськиз. Удмурт йӧскалык школаослы удмурт кылэз дышетонъя программаосты, учебникъёсты но пособиосты гожтон бордын тыршиз.

«Грамматика современного удмуртского языка. Фонетика и морфология» (1962)

Грамматика современного удмуртского языка. Фонетика и морфология

Та уж, книгалэн азькылаз авторъёслэн пусъемзыя, удмурт кыллэн нырысетӥ научной грамматикаез луэ.

Грамматикаын удмурт кылъя ивортодэт кык люкетэн сётэмын: фонетика но морфология.

«Правила удмуртской орфографии: с приложением комментариев» (1941)

Правила удмуртской орфографии: с приложением комментариев

Удмурт кылын шонер гожъяськонъя правилоосын бичет. Правилоос чылкак вылесь уг луо. Автор удмурт кылын кутӥськись правилоосы бадӟым букваосты, аббревиатураосты, вакчиятэм кылъёсты гожъян но чурысь чыре выжтон учыръёсты ватсам.

«Написание сложных слов: к уточнению правил удмуртской орфографии: в порядке обсуждения» (1940)

Написание сложных слов: к уточнению правил удмуртской орфографии: в порядке обсуждения

Удмурт кылын сложной (яке кушето) кылъёсты шонер гожъянъя правилоосын нырысетӥез бичет.

«К совершенствованию переводческой письменности» (1940)

К совершенствованию переводческой письменности

Ӟуч кылысь удмурт кылэ берыктэм текстъёслэн аспӧртэм-лыкъёссы сярысь книга. Ӟуч но удмурт кылъёслэн берыктон удысын вачекусыпъяськонзы (взаимодействие).

«Сложноподчиненные предложения в удмуртском языке» (1939)

Сложноподчиненные предложения в удмуртском языке

Книгаын удмурт кылын сложноподчинённой предложениослэн аспӧртэмлыкъёссы сётӥсько. Кушето предложениысь придаточнойёслэн пӧртэмлыкъёссы пусйисько.

Советское финноугроведение. Т. 4 (1949)

Советское финноугроведение

«Советское финноугроведение» журналлэн 4-тӥ томаз печатламын куд-ог докладъёс, кудъёсыз лыдӟемын вал финн-угор кылосбуръя Всесоюзной тодослыко конференциын (23 толшоре — 04 толсуре 1947-тӥ арын).

«Удмурт кыллы дышетон программа:
5–7 классъёслы» (1949)

Пётр Николаевич — удмурт кылэз дышетонъя программалэн авторез

Соавторъёсыз — Поздеева А. А., Горбушин М. В.

«Удмурт кыллы дышетонын сылӥсь ужпумъёсты азинлыко быдэсъяны понна, дышетӥсьлы нырысь ик аслэсьтыз ужзэ яратыны кулэ. Собере кыл сярысь огъя наукаез, кыл сярысь выль учениез, удмурт кыл грамматикаез но удмурт лексика сярысь тодонэз нуналмысь узырмытоно».

Уже кутэм литература

  1. Официальный сайт Государственного Исторического Музея / URL: https://catalog.shm.ru/entity/OBJECT/2349031 (дата обращения: 21.11.2022)
  2. Официальный сайт национальной библиотеки Удмуртской Республики / URL: https://unatlib.ru (дата обращения: 21.10.2022)
  3. Пислегин Н. В. Удмуртский институт истории в годы Великой Отечественной войны / Н. В. Пислегин // Иднакар: методы историко-культурной реконструкции.— 2015.— №2(27).— С. 175–213.
  4. Христолюбова Л. С. Ученые-удмурты: биобиблиографический справочник / Л. С. Христолюбова.— Ижевск: Удмуртия, 1997.— 860 с.

Сына йырвизьдэ

  1. Перевощиков П. Н. удмуртъёс пӧлын нырысетӥез кылосбур тодосъя доктор луэ. (□ шонер / □ янгыш)
  2. Перевощиков П. Н. Удмурт кун педагогической институтлэн (туала УдГУ) нырысетӥез директорез вал. (□ шонер / □ янгыш)
  3. 1970-тӥ арын потэм «Грамматика современного удмуртского языка. Синтаксис простого предложения» ужлэн авторез П. Н. Перевощиков луэ. (□ шонер / □ янгыш)
  4. 1962-тӥ арын потэм «Грамматика современного удмуртского языка. (□ шонер / □ янгыш)
  5. Фонетика и морфология» ужлэн авторез П. Н. Перевощиков луэ. (□ шонер / □ янгыш)
  6. Перевощиков П. Н. Удмурт кун педагогической институтлэн кылъя но литературая ёзэтаз дышетскиз. (□ шонер / □ янгыш)