Надежда Петровна Кралина

Научно-биографической экскурсия

Надежда Петровна Кралина

Научно-биографической экскурсия

Костина Ксенья Георгиевна
Дышетон удысысь йӧскалык ужпумъёсты
эскеронъя тодос институтысь ӧнерчи

Надежда Петровна Кралина

18.09.1923–25.01.2016

Россиысь гожъяськисьёслэн огазеяськонзылэн ёзчиез (1959-тӥ арысен)

Текстъёслы литературной обработка лэсьтэмез но «Мифы, легенды и сказки удмуртского народа» книга кылдытэмез понна, УАССР-лэн Кун премиеныз пусъемын (1986)

РСФСР-ысь гожъяськисьёслэн IV но VI съездзылэн делегатэз (1975, 1985)

Вордскиз 18-тӥ куарусёнэ 1923-тӥ арын Саратов улосвылысь Вольск карын трос нылпиё семьяын.

1929-тӥ арын семьязы Балаково каре улыны выжиз — отын атайзы судно тупатъянъя заводын ужаз.

1941-тӥ арын Балаково карысь шор ёзо школаез йылпумъяз. Вольскысь дышетӥсьёсты дасясь институтэ дышетскыны пыриз, но Быдӟым Атыкай ож кутскемен, дышетскыны кутскыса ӧз вутты. Кӧня ке дыр ӵоже Балаковоысь райпромкомбинатын ужаз.

1942–1946-тӥ аръёсы Ижкарысь Удмурт педагогической институтлэн ӟуч кылъя но литературая факультетаз дышетскиз. Институтын дышетскисьёслэн комсомол огазеяськонэнызы кивалтонэ быръемын вал.

1943-тӥ арын ВЛКСМ-лэн Удмурт обкоменыз «Ижевск–Балезино» чугун сюресэз лэсьтыны келямын (комсорг луыса ужан понна).

1946–1948-тӥ аръёсы Каракулино шор ёзо школаын дышетӥсь луыса ужаз.

1948-тӥ арын Ленинградысь М. Н. Покровский нимо педагогической институтлэн аспирантураяз дышетскыны пыриз. Со дыре ик Кунгожсьӧр кылъёсъя институтын дышетӥз.

1951-тӥ арын «Проблема народности в творчестве Г. Р. Державина» темая кылосбур тодосъя кандидатской диссертацизэ утиз.

1952–1963-тӥ аръёсы Удмурт научно-исследовательской институтлэн литературая но фольклоръя ёзэтэныз кивалтӥз.

1963–1985-тӥ аръёсы Удмурт кун университетлэн ӟуч но кунгожсьӧр литератураосъя кафедраяз доцент луыса ужаз.

«Удмуртский фольлор» темая, кылосбур тодосъя докторской диссертациез дась вал ке но, ужзэ ӧз утьы.

Н. П. Кралиналэн аспирантъёсыз П. К. Поздеев но Д. А. Яшин
Удмурт научно-исследовательской институтысь ӧнерчиос.
Нырысетӥ радысь кыкетӥез — Н. П. Кралина (1959-тӥ ар)
Удмурт кун университетысь филологи факультетлэн деканэзлэсь воштӥсьсэ, кылосбур тодосъя кандидатэз, доцентэз Н. П. Кралинаез, выпускницаосыз ӟечкылало (1973-тӥ ар)

Надежда Петровна — 50-лэсь ятыр тодослыко статьяослэн, фольклорной материалъёслэн но книгаослэн авторез

«Ватка но Калмез» (1971)

Ватка но Калмез

Та книга кык ёзнэто. Нырысетӥ ёзнэтэз — «Легендаос», кыкетӥез — «Преданиос». Кыксы ик соос пичиесьгес люкетъёслы висъяллямын на. Сборнике пыртэмын 128 легендаос но преданиос. Пӧртэм публикациосысь но печатламтэ материалъёс пӧлысь соосты бырйизы Удмурт государственной пединститутысь доцент Н. П. Кралина (102 номерзэ) но Удмурт научно-исследовательской институтысь ужась П. К. Поздеев (26 номерзэ). Текстъёслы валэктонъёсты но та вакытэ ӧжыт пумиськылӥсь кылъёслы словарез дасяз П. К. Поздеев. Асьме вакытозь ӟуч изданиосын гинэ вуэм произведениосты но предисловизэ удмурт кылэ берыктӥз П. М. Яшин.

«Лопшо Педунь смеётся: удмуртские народные сказки» (1970)
«Мудрый Иван и богатый поп: удмуртская народная сказка: для младшего школьного возраста» (1977)
«Удмурт калык выжыкылъёс» (1954)
«Удмуртские народные сказки: для среднего и старшего школьного возраста» (2003)
«Пословицы, поговорки удмуртского народа» (1960)
«Удмурт калык пословицаос, поговоркаос» (1961)
«Мифы, легенды и сказки удмуртского народа» (1995)
«Удмуртские народные сказки, мифы и легенды»

Мифы, легенды и сказки удмуртского народа

Книгалэн азькылаз Н. П. Кралина гожтэ:

Мифы, сказания, сказки, легенды донесли до нас живую фантазию народа тех времен, которые давно миновали. И вот мы снова читаем про Инмара и Вукузё, теперь уже абсолютно точно зная, что на самом-то деле их никогда и не бывало на свете. И не только игра ума и воображения привлекает нас в устной поэзии. Главное в другом: есть в ней большой силы заряд мудрости, жизнелюбия, проносящий ее нетленной через века и эпохи. В мире всегда были добро и зло, они всегда противостояли друг другу. Они и ныне, как никогда прежде, заявляют о себе. Одни творили мир, что окружает и радует нас, а другие строили козни и пытались разрушить сотворенное, напускали мелкие и крупные напасти. Год за годом, век за веком, тысячелетие за тысячелетием противоборствуют свет и тьма. Хитрость, коварство, злобность натворили немало черных дел, но сокрыть истину им не по силам, как и повернуть жизнь по своим законам. Так утверждает многовековой опыт народа.

«Мифы, легенды и сказки удмуртского народа» книгаез лэсьтӥсьёс Надежда Петровна Кралина но Менсадык Гарипович Гарипов книгазэс учко (1987-тӥ ар)

«Мифы, легенды и сказки удмуртского народа» книгае инсьӧрдунне кылдон сярысь мифологической выжыкылъёс, дауркылъёс, осконмадьёс пыртэмын. Книгалэн пуштросэз дунне кылдон, адямилэн будонэз но мыло-кыдо ужаса улэмез, сьӧд кужымъёсты вормемез сярысь маде.

Книгалэн 1986-тӥ арын потэм нырысетӥ изданиез понна Н. П. Кралина но М. Гарипов (книгае суредъёсты суредась) УАССР-лэн Кун премиеныз пусъемын вал.

Надежда Петровна — гожъяськись

«Дорога, ставшая судьбой» (2003)

Н. П. Кралина «Дорога, ставшая судьбой» нимо автобиографической повесть гожтӥз.

Книгаяз Ижевск–Балезино чугун сюресэз лэсьтон сярысь маде.

Кралина Н. П. Дорога, ставшая судьбой: научное издание / Н. П. Кралина; отв. за выпуск: К. И. Куликов; Российская академия наук, Уральское отделение, Удмуртский институт истории, языка и литературы.— Ижевск, 2003.— 266, [1] с.

Кекоранын Ижевск—Балезино чугун сюресэз лэсьтӥсьёслы сӥзем синпелетэз усьтон дыръя (1997-тӥ ар)

Надежда Петровна пусъемын:

Уже кутэм литература

  1. Научное наследие Урала: Электронная библиотека / URL: http://i.uran.ru/nasledie (дата обращения: 21.10.2022).
  2. Официальный сайт Архивной службы Удмуртии / URL: http://gasur.ru (дата обращения: 24.11.2022).
  3. Официальный сайт Национальной библиотеки Удмуртской Республики / URL: https://unatlib.ru (дата обращения: 21.10.2022).

Сына йырвизьдэ

  1. 1. Н. П. Кралина «Мифы, легенды и сказки удмуртского народа» книга кылдытэмез понна, УАССР-лэн Кун премиеныз пусъемын. (□ шонер / □ янгыш)
  2. 2. Н. П. Кралина «Удмуртский фольлор» темая кылосбур тодосъя докторской диссертацизэ утиз. (□ шонер / □ янгыш)
  3. 3. Н. П. Кралина «Ижевск–Балезино» чугун сюресэз лэсьтонэ пыриськиз. (□ шонер / □ янгыш)
  4. 4. «Мифы, легенды и сказки удмуртского народа» книгалэн суредасез С. Виноградов луэ. (□ шонер / □ янгыш)
  5. 5. Н. П. Кралина вордскиз Саратов улосвылысь Вольск карын трос нылпиё семьяын. (□ шонер / □ янгыш)