Василий Иванович Алатырев

Научно-биографической экскурсия

Василий Иванович Алатырев

Научно-биографической экскурсия

Костина Ксенья Георгиевна
Дышетон удысысь йӧскалык ужпумъёсты
эскеронъя тодос институтысь ӧнерчи

Василий Иванович Алатырев
01.08.1908–01.11.1984

  • Советской кылчи
  • Удмурт но финн-угор кылъёсъя ӧнерчи
  • Кылосбур тодосъя кандидат (1937)
  • Доцент (1938)

Вордӥськиз 1908-тӥ арын Татарской АССР-лэн Бавлы ёросысьтыз Урсыгуртын (Покровский Урустамак) крестьян семьяын.

Дышетскиз Бугульмаысь I но Казаньысь II ступенё советской партийной школаосын.

1930-тӥ арын школаын дышетсконзэ йылпумъяз. Собере Татарской АССР-ысь Кукмор районысь Ошторма-Юмья школаын кӧня ке толэзь завуч луыса ужаз, Казаньысь дышетӥсьёсты дасясь институтын подготовительной курсъёсты ортчиз.

Урсыгурт туннэ нуналъёсы
Д.В. Бубрих (1890–1949)

1930–1934-тӥ аръёсы В. И. Алатырев Ленинградысь А. И. Герцен нимо педагогической институтын дышетскиз. Дышетсконзэ йылпумъямез бере, аспирантурае кылиз.

1937-тӥ арын «Сложносочинённые слова в удмуртском языке» темая кылосбур тодосъя кандидатской диссертацизэ утиз. Тодослыко ужезлэн кивалтӥсез Д. В. Бубрих вал.

1937–1938-тӥ аръёсы Ленинградысь Кылъя но гожъяськетъя институтын (Институт языка и письменности) но Кылъя но мышлениея институтын (Институт языка и мышления) ужаз.

1938-тӥ арын Карелиысь педагогической институтэ ӟуч кылъя кафедраен кивалтыны ӧтемын. Финн фронтэ келяменызы но висёнэныз сэрен, В. И. Алатыревез дышетонлэсь палэнтӥзы.

1940–1955-тӥ аръёсы Карелиысь но Удмуртиысь вузъёсын дышетӥз. Карело-финской университетысь ӟуч кылъя но Удмурт педагогической институтысь удмурт кылъя но литературая кафедраосын кивалтӥз.

1955-тӥ арын Удмурт научно-исследовательской институтын ужаны кутскиз. Отын тодослыко старшой ужась но кылъя ёзэтэн кивалтӥсь луыса 1978-тӥ арозь ужаз (пенсие кошкытозязь).

1970-тӥ арысен Финляндиысь финн-угор огазеяськонлэн ёзчиез луиз.

В. И. Алатырев вылӥ дышетсконниосын таӵе лекциосты лыдӟиз:

  • Кылтодонэ пыртон
  • Огъя кылтодон
  • Вуж славян кыл
  • Ӟуч диалектология
  • Туала ӟуч кыл
  • Финн-угор кылтодонэ пыртон
  • Ӟуч кыллэн исторической грамматикаез
  • Финн-угор кылъёслэн ӵошатон грамматиказы
  • Удмурт кыллэн историез
  • Удмурт диалектология

Василий Иванович — 150-лэсь ятыр тодослыко ужъёслэн авторез

Мыло-кыдо пыриськиз туала удмурт кыллэсь тодослыко грамматиказэ гожтон борды.

Тросэз ужъёсыз удмурт графикаен но орфографиен герӟаськем ужпумъёсты сэрттыны-пертчыны юрттӥзы.

Вопросы удмуртского языкознания (1959)

Та сборникын удмурт кыллэн грамматикаезъя но лексикологиезъя пӧртэм юанъёс но куд-ог малпанъёс сётэмын. Саклык висъяське кылвыжыысь гласной куараослэн чередованизылы.

Автор сборнике пыртэм малпанъёсты удмурт кыл понна секытэн лыдъя. Троссэ соосты, историко-сравнительной амалэз кутыса, эскероно, шуэ.

Падежи в удмуртском языке (1937)

Удмурт кылысь падежъёслэн лыдзы сярысь.

В. И. Алатырев покчи но шор ёзо школаын 6 (стандартизированной) падежъёсты дышетыны дэмла. Соосты субъектно-объектной падежъёс шуо (именительной, винительной, разделительной, дательной, родительной, творительной).

Мукет, нестандартизованной, 9 падежъёсты, авторлэн малпамезъя, валэктоно пӧртэм интыосты но мугъёсты возьматӥсь суффиксъёс сямен (лишительной, судительной, исходной, входной, местной, переходной, предельной, отдалительной, приблизительной).

Этимологический словарь
удмуртского языка (1988)

Таяз ужын удмурт кылын А но Б букваен кутскись кылъёслэн этимологизы сётӥське.

Кыллюкаме 778 словарной статья пыртэмын.

Грамматика современного удмуртского языка.
Синтаксис простого предложения (1970)

«Туала удмурт кыллэн грамматикаез» огшоры предложенилэсь синтаксиссэ но пуштроссэ огъясь нырысетӥез тодослыко уж луэ.

Выделительно-указательная категория в удмуртском языке (1970)
К вопросам удмуртского языка (1937)
Краткий грамматический очерк
удмуртского языка (1983)

В. И. Алатыревлэн «Краткий грамматический очерк удмуртского языка» ужез Удмурт-ӟуч кыллюкаме (2008) пыртэмын.

Учебник русского языка. ч.1:
фонетика и морфология (1959)

Василий Иванович — удмурт нылпиослы ӟуч кылэз дышетонъя учебниклэн авторез

Василий Ивановичлэн наградаосыз:

Уже кутэм литература

  1. Официальный сайт Национальной библиотеки Удмуртской Республики / URL: https://unatlib.ru (дата обращения: 21.10.2022)
  2. Сахарных Д. М. Василий Алатырев и его взгляды на историю удмуртской письменности / Д. М. Сахарных // Научно-практический журнал «ИДНАКАР»: методы историко-культурной реконструкции, 2007.— №2.
  3. Христолюбова Л. С. Ученые-удмурты: биобиблиографический справочник / Л. С. Христолюбова.— Ижевск: Удмуртия, 1997.— 860 с.

Сына йырвизьдэ

В. И. Алатыревлэн «Этимологический словарь удмуртского языка» (1988, с. 139) ужысьтыз люкетэныз тодматске. «Бадӟым» кыллэн кылдэмез сярысь вакчияк вераны дасяське.