Эллен Ниит. Литературно-биографической экскурсия

Эллен Ниит

Литературно-биографической экскурсия

Людмила Васильевна Бусыгина,
ведущий научный сотрудник
КНУ УР «НИИ национального образования»

Эллен Ниит
1928

Тодмо эстон кылбурчи, нылпиослы гожъясь, кылысь кылэ берыктӥсь.

Вордӥськиз Таллиннын, дышетскиз Таллиннысь кун университетлэн эстон кылъя но литературая факультетаз. Эскериз эстон нылпи литератураез.

Нырысетӥ кылбурез школаын дышетскыкуз ик печатламын вал.

Эллен Ниитлэсь потэм нылпи книгаоссэ туэ выльысь но выльысь потто.

Эстониысь но Россиысь котькуд адямилы тодмо солэн Пилле-Рин нылаш сярысь веросъёсыз, суредась но шудон ву сярысь но мукет кылбуръёсыз.

Эллен Ниитлэн гожтэм кылбуръёсызъя, веросъёсызъя кылдытэмын мультфильм. Валтӥсь героез — ерпечка коркакузё Крылль,— нылпиослэн эшсы. Соосын ӵош йыртэмаса но вуэ, мӧйыослы но пинал вакытсэс тодазы вайытэ.

Эллен Ниитлэн гожтосъёсыз финн, мадьяр, англи, немец, ӟуч, итали, чех, словак, грузи, казах, литва, эсперанто но уно мукет кылъёсы берыктэмын.

Ачиз Эллен Ниит эстон кылэ берыктӥз мадьяр Ш. Петефилэсь, финн Э. Синерволэсь, А. Туртиайненлэсь, ӟуч С. Есенинлэсь, К. Чуковскийлэсь, С. Михалковлэсь, В. Бианкилэсь ужъёссэс, удмурт кылбурчилэсь А. Кузнецовалэсь кылбуръёссэ.

Удмурт кылэ берыктэмын Эллен Ниитлэн «Суредасьлэн бадӟым ужез» кылбурез (Берыктӥсез — Н. Пчеловодова). Со пыремын 3-тӥ класслы «Лыдӟон книгае».