Иван Степанович Михеев

Иван Степанович Михеев
1876–1937

Удмурт югдытӥсь, нырысетӥез книга печатлась но дышетӥсь. Вордӥськиз Татарстанысь Кукмор ёросысь Ошторма-Юмья черкогуртын.

Пиналъёс суредъёсъя туж мыло-кыдо гожъязы вордскем кылынызы но, собере дышем беразы, ӟуч кылын но — пичиесь веросъёс-сочинениос.

Та книгаосыныз гожъясьчи Россиын гинэ ӧвӧл, Турциын но, Китайын но, Япониын но, мукет кунъёсын но тодмо луиз.

Иван Степановичлэн Нырысетӥ но Кыкетӥ лыдӟон книгаосаз пичиесь веросъёс, притчаос, прозаен басняос пыремын. Та произведениос удмурт чеберлыко прозалы инъет луизы.

 

Котыр ласянь,— пуштроссыя но, методиказы ласянь но,— та лыдӟон книгаос тужгес но ӟечъёсыз вал. Соосъя пор, чуваш, бигер кылъёсын таӵе ик дышетскон книгаос кылдытэмын вал.

Иван Михеевлэн калыкез визьмась-югдытӥсь куать пьесаосыз потӥзы: «Эн лушка», «Пелляськись», «Удмурт доктор», «Удмурт дышетӥсь», «Визьтэм Онтон», «Удмуртъёслэн революци потон азьын улэмзы». Казаньын дышетскись удмурт студентъёс соосты пуктылӥллям Михеевлэн басьтэм корказ: сое со общежитилы шуыса кузьмам вылэм.

Туннэ Иван Михеевлэсь ужъёссэ пыр-поч эскеро тодосчиос. Дышетон удысэн герӟаськем ужъёссэ эскеронлы сӥземын З. В. Суворовалэн «Педагогические идеи удмуртского просветителя И. С. Михеева» монографиез.