Аркадий Николаевич Клабуков

Литературно-биографической экскурсия

Аркадий Николаевич Клабуков

Литературно-биографической экскурсия

Людмила Васильевна Бусыгина,
ведущий научный сотрудник
КНУ УР «НИИ национального образования»

Аркадий Николаевич Клабуков
1904–1984

Нылпи гожъясьчи. Вордӥськиз Вавож ёросысь Водзимонье черкогуртын. Удмурт литературае пыриз Багай Аркаш нимын.

Ижевскысь педтехникумлэн юртэз. Татын дышетскиз А. Клабуков.
1926–1930-тӥ аръёсы Аркадий Клабуков — М. В. Ломоносов нимо
Москваысь кун университетысь студент.
Аркадий Николаевич печатласькыны кутскиз
«Гудыри» газетын но «Кенеш» журналын.
Литературно-творческой ужын солэн дышетӥсез вал
«Гудырилэн» редакторез Д. И. Корепанов — Кедра Митрей.
«Тараканъёс» нимо нырысетӥ книгаез — чылкыт улыны индылӥсь, дышетсконлэсь кулэлыксэ возьматӥсь верос.
«Тютю Макси», «Палбам», «Мынам азбукае» книгаоссэ пичиез но бадӟымез но тодэ. Ярато солэсь лэчыт сюжетъёссэ но маскара учыръёссэ.
А. Клабуков книгаосаз покчи эшъёсызлы валэктэ, ку соос будозы, визнаны вуозы, вал вылын ворттылозы, школае ку мынозы… Нылпиослы котькыӵе кылэз тодӥсь радио сярысь вера, пӧртэм машинаосын, ужъёсын-ӧнеръёсын тодматэ.

Гожъясьчи пиналъёс азьын тунсыко юанъёс пуктэ: ушъяськем кышъяськыны ке но яралоз-а, слонлэн нырыз сыӵе нюж-нюж оло ӵем куатаськеменыз-а но мукет.
Аркадий Николаевичлэн произведениосыз паймыто, пальпотто, малпаськыто.

А. Клабуковлэн «Тютю Макси» поэмаез берыктэмын
коми, чуваш, молдаван но ӟуч кылъёсы.
А. Клабуков удмурт кылэ берыктӥз А. Пушкинлэсь, М. Лермонтовлэсь, А. Чеховлэсь, Т. Шевченколэсь, А. Бартолэсь, С. Маршаклэсь, С. Михалковлэсь, К. Чуковскийлэсь, Д. Дефолэсь но мукет гожъясьчиослэсь кылбуръёссэс.