Алексей Алексеевич Ельцов
Литературно-биографической экскурсия
Людмила Васильевна Бусыгина,
Алексей Алексеевич Ельцов
Пичи дырысеныз ик Алёша яратӥз пӧйшураны но чорыганы. Чорыгъёсын тунсыкъяськемез «Удмурт чорыг нимъёс» бадӟым тодос статья луыса потӥз.
Нылпиослы веросъёсыз, повестьёсыз, юморескаосыз, кылшудонъёсыз, мадиськонъёсыз, серемес кылбуръёсыз но туж узыр тылобурдо, нымы-кибы, чорыг нимъёсын. Гожъясьчи пинал лыдӟиськисьёсызлэсь тодон-валанзэс но кылзэс паськытатэ.
«Пыӵалэн нюлэскы потасько ке но, кинэ ке кутон понна озьы уг ветлӥськы. Инкуазез шӧдыны, соин юн кусып возьыны кулэ. Со ик юрттэ мылкыдэз ӧръяны, бурдъяны».
Кылбурчилэн произведениосаз валтӥсь инты басьто анайзэ но ӵыжы-выжыоссэ яратон, пичи но бадӟым шаерзэ гажан, инкуазез ас сяменыз шӧдон.
«Кенгуру уг си гуры» книгаез Кастрен нимо финн-угор обществолэн премиеныз пусъемын.
«Урт» книгаез Владимир Романов нимо литература премиен пусъемын.
Вить ар ӵоже Алексей Ельцов удмурт радиоын ужаз.
Нуиз «Жильырты, ошмес» передачаез. Татын но гожъясьчи инкузез утён, вордӥськем музъемез гажан пумысь ужпумъёсты ӝутылӥз.
Алексей Ельцов «Кизили» нылпи журналын ужа.
Авторлэн сизьымдонлэсь трос кылбуръёсыз кырӟанлы пӧрмизы, крезьгурзэс гожъязы пӧртэм композиторъёс: Евгения Копысова, Геннадий Корепанов-Камский, Николай Трубачев, Надежда Уткина, Виталий Шоркин но мукетъёс.
