Кузебай Герд

Литературно-биографической экскурсия

Кузебай Герд

Литературно-биографической экскурсия

Людмила Васильевна Бусыгина,
ведущий научный сотрудник
КНУ УР «НИИ национального образования»

Кузебай Герд
(Кузьма Павлович Чайников)
1898–1937

Гожъясьчи, тодосчи, мерлыко ӧнерчи но дышетӥсь.

400-лэсь ятыр кылбуръёсыз, 12 поэмаез, 120-лэсь трос тодос ужъёсыз. Печатласькемын удмурт, ӟуч, коми, мадьяр, финн, немец но мукет кылъёсын.

Кузебай Герд вордӥськиз Вавож ёросысь Покчивуко гуртын.

Вордӥськем но будэм интыяз туннэ синпелет сылэ.

Кузьма, ас гуртысьтыз школаез йылпумъяса, Вавожысь кык классъем училищее пыре. 1912–1916-тӥ аръёсы дышетске Кукаркаысь дышетӥсьёсты дасясь семинариын.

Дышетсконзэ йылпумъямез бере, Кузьма Бадӟым Уча гуртысь покчиёзо школаен кивалтэ. Собере Ижкарысь детдомын директор луыса ужа. Та вакытэ огез бӧрсьы мукетыз солэн произведениосыз, статьяосыз печатласько. К. Чайников аслыз Герд кушем ним басьтэ, сыӵе нимын дунне литератураын тодмо луэ.

Кузьма Павлович удмурт пиналъёс понна кылдытӥз нырысетӥ нылпи журналъёс — «Муш», «Кузьыли», «Пичи дэменчи».
«Пичи дэменчи» — огшоры лыдӟон журнал ӧвӧл. Со школаын покчи нылпиослы дышетскон журнал.
Кузебай Герд покчи классъёсын дышетскисьёслы «Шуныт зор» но «Выль сюрес» лыдӟиськон книгаос гожтӥз.
Кузебай Герд мылысь-кыдысь басьтӥськиз удмурт кылэ ӟуч дышетон книгаосты берыктон борды. Озьы кылдӥзы «Кутскон геометрия», «Лыдъяськыны дышетскон книга», «Асьме котырысь инкуазь» дышетскон книгаос.
Гожъяз кылбур-мадиськонъёс, кылбур-лыдъяськонъёс, кылбуръёс-чаклан кылъёс но мукет.
Кузебай Гердлэн «Гондыръёс» выжыкылэз матын ӟуч гожъясьчилэн А. Пушкинлэн «Сказка о рыбаке и рыбке» выжыкылэзлы.
Кузьма Павлович книгаосаз суредъёссэ но ачиз суредалляз.

Кузебай Герд — фольклорист

К. П. Чайников Эгра ёросысь Зура гуртын фольклор экспедициын. 1929-тӥ ар.
Кузебай Гердлэн ас киыныз гожтэм «Сюрло» кылбурез.

Кузебай Герд, Сталин вакытысь репрессиос улэ шедьыса, туж секыт улон сюресэз ортчиз. Дырызлэсь вазь быриз 1937-тӥ арын.

Сандармохысь, Кузебай Гердэз быдтэм интыысь, синпелетъёс.
Кузебай Гердлэн кылбуръёсыз эстон кылын.
Кузебай Гердлэн кылбуръёсыз венгер кылын.

Удмурт калыклэсь дано пизэ буре вайыса

С. Н. Виноградов. «Кузебай Герд»
Вавож ёросын Гурезь-Пудга гуртын Кузебай Гердлэн музеез усьтэмын.
Вавож ёросысь Гурезь-Пудга гуртысь Кузебай Гердлэн музеяз
Ижкарысь Советской урамысь Кузебай Гердлы сӥзьыса усьтэм буре ваён пул.
Ижкарысь Кузебай Герд нимо Йӧскалык музей азьысь дано тодосчилы но гожъясьчилы синпелет.