Трофим Борисовлы пуктэм синпелетъёс. Гожтэт гожтон бордын ужан. Удмурт кылъя 9-ӥ классын кыл волятон уж

Трофим Борисовлы пуктэм синпелетъёс. Гожтэт гожтон бордын ужан

Удмурт кылъя 9-ӥ классын кыл волятон уж

Рябина Ольга Владимировна,
Алнаш ёросысь Азамат шор ёзо школаысь
удмурт кылъя но литературая дышетӥсь

Гожтэтысь чуръёс

Казахстанысь гольык степьын, трос курадӟон, бырон ваем лагерьлэсь 25 иськемын, кионмульы улын кыллё калыклэн дано адямиосыз, асьсэлэсь улонзэс зэмлык понна сётэм муртъёс. Пурысь гранит вылэ зарни букваосын гожтэмын: «30-тӥ-50-тӥ аръёсы террорлэсь курадӟемъёслы выжыостылэсь тау карыса. Тӥ быриды янгыштэк. Буре ваёнмы — пыраклы.»

Гожтэтысь чуръёс

Озьы ке луысал! Мынэ ай Удмурт шаере, тодо на-а, дунъяло на-а отын тӥлесьтыд нимдэс. Удмуртъёс тӥледлы ноку тау уз каре. Соос уз дӥсьтэ азьлозэ шараяны. Соос ноку но уз пуктэ асьсэ адямиоссылы синпелет, уз куректэ соос понна улонзэс сётэм муртъёссы пумысен.

Ужпумо югдур яке проблема

Удмуртъёс тӥледлы ноку тау уз каре. Соос уз дӥсьтэ азьлозэ шараяны. Соос ноку но уз пуктэ асьсэ адямиоссылы синпелет, уз куректэ соос понна улонзэс сётэм муртъёссы пумысен.

Уроклэн ужпумез яке целез

Гожтэтлэн авторезлы ивортоно, верано, юнме шорысь янгыше усем адямиослы шаерамы синпелет но пукто, школаын произведениоссы но эскерисько, газет-журналъёсы но соос сярысь гожъяло.

Уроклэн темаез

Трофим Борисовлы пуктэм синпелетъёс бордын ужан.

Ужпумъёс

Тодоно, кин со сыӵе Трофим Борисов, ма умойзэ со лэсьтӥз удмурт калык понна?
Синпелетъёс бордын ужано
Тодон-валанмес огъяно
Гожтэт гожтоно

Трофим Борисовлы сӥзем синпелетлы описанилы план

Вступление
1. Кин со сыӵе Трофим Борисов? Ма умойзэ со лэсьтӥз удмурт калык понна?
2. Кытын но ку усьтэмын синпелетъёс та дано адямилы? Кинъёс луо синпелетъёслэн авторъёссы?
Основной люкет
1. Малэсь лэсьтэмын синпелет?
2. Кызьы возьматэмын Трофим Борисовлэн вылтусыз, ымнырыз, йырыз, киосыз?
3. Синпелетлэн инъетэз (постамент)
4. Интыез умой-а быръемын?
Мар сярысь малпаськыны косэ та синпелет?

Трофим Кузьмич Борисов (Трокай Борисов) (1891–1943) — эмчи, тодосчи-кылосбурчи, этнограф, публицист, мерлыко ужась.

Вордӥськиз 1891-тӥ арын 1-тӥ толсуре туала Удмурт Элькунысь Алнаш ёросысь Кизекгуртын, бадӟым крестьян семьяын.

Дышетскиз Кучыранысь земской школаын, Алнашысь кык классъем школаын, Елабугаысь но Казаньысь технической училищеосын.

1912–1913-тӥ аръёсы дышетсконзэ азьланьтӥз Санкт-Петербургысь университетлэн историко-филологической факультетаз. Отчы пырон понна, ас кожаз гимназилэсь курссэ дышетӥз но экстернэн экзамен сётӥз. Тодмо этнографлэн Д. К. Зеленинлэн (вордӥськемын Ижевской волостьысь Люк гуртын) кивалтэмез улсын научной ужен выриз, статьяос гожъяз, «Живая старина» журналын печатласькиз.

1913–1916-тӥ аръёсы дышетскиз Казаньысь университетлэн медициная факультетаз.

1916-тӥ арын мобилизацие сюриз но Минской фронтэ шедиз, отын со эвакопунктлэн, госпитальлэн но санитарной поездлэн врачез вал.

Фронтын ик пыриз большевикъёслэн партиязы.

«Гудыри» газетлэн нырысетӥ номерез

1918-тӥ арын 31-тӥ коньывуонэ Т. Борисовлэн кивалтэм улсаз «Гудыри» (та вакытэ «Удмурт дунне») газетлэн нырысетӥ номерез потӥз. Трокай Борисов газетлэн нырысетӥ редакторез луиз. Редактор дыръяз гожъяз листовкаос, статьяос, кылбуръёс, корреспонденциос, брошюраос, этнографияя очеркъёс. «Гудыри» газет бордын кылдытэмын вал литературной кружок, кудӥз бадӟым инты басьтӥз Кузебай Гердлэн, Ашальчи Окилэн, Даниил Майоровлэн, Иван Дядюковлэн, Аркадий Клабуковлэн но мукет кылбурчиослэн творчествоязы.

Можгинский педагогический колледж им. Т. К. Борисова (Елабужская вотская
учительская семинария)

1918-тӥ арын ик кивалтӥз Елабуга уездысь дышетон отделэн. Кылдытӥз Елабугаысь вотской учительской семинария (та вакытэ Можгаысь Т. К. Борисов нимо педагогической колледж), солэн нырысетӥ директорез вал.

Елабуга уездын трос школаос усьтылыны юрттӥз. Аслаз Кизекгуртаз но усьтӥз школа. Аслаз уксёеныз басьтӥз учебникъёс, тетрадьёс, карандашъёс, ручкаос, бичаз узыр библиотека.

1919-тӥ ар — Т. Борисов Сарапулын люказ Вань ужась удмуртъёслэсь съездзэс. Отын сое бырйизы Центральной комиссариатлэн удмурт ужъёсызъя комиссаре.

Трофим Борисовлэн дэмламезъя, РКП(б) ЦК та ужез быдэсъяз И. А. Наговицын, нош Т. К. Борисов луиз юрттӥсез.

1920-тӥ арын люказ Быдэс Россиысь удмурт- коммунистъёслэсь конференцизэс, кытын Удмурт автономной область кылдытон пумысен ужпум ӝутӥз.

1920-тӥ арын 4-тӥ шуркынмонэ Удмурт автономной область кылдӥз. Т. К. Борисов Облисполкомлэн воштӥсез луыса ужаз.

Всероссийская конференция коммунистов-удмуртов

1923-тӥ-1925-тӥ аръёсы РКП(б)-лэн Калмык обкомезлы секретаре бырйизы.

1925–1927-тӥ аръёсы Удмурт шаере ӧтё но Удмурт облисполкомлы председателе бырйизы.

Семья кылдытӥз Александра Морозоваен. Вордӥськизы Роза но Клара нылъёссы.

1928-тӥ арын толшоре Т. Борисовлэн тушмонъёсыз солы пӧртэм провокациос лэсьтӥзы. Сое вить арлы эриклэсь люкизы, туала Сыктывкаре келязы.

8 толэзь ортчыса, судимостьсэ куштӥзы.

Коми автономной областьын тазалыкез утёнъя Областной отделлэн заведующиез луиз.

1929-тӥ арын «Песни южных вотяков» книга поттӥз. Трсэз кырӟанъёс бичамын Алнаш ёросысь гуртъёсысь: Кизекгуртысь, Кучыранысь, Блатгуртысь, Шайтангуртысь, Асанысь, Мукшурысь.

Сборнике пыртэмын 463 текст.

Т. Борисов, владевший удмуртским, русским, французским языками, изучавший татарский, марийский, коми и калмыцкий и имевший определенное знакомство с финно-угроведческой литературой, видел в публикуемых текстах не только произведения одного из лирических жанров удмуртского фольклора, но и источник: во-первых, для изучения системы и структуры удмуртского языка; во-вторых, для обогащения образной системы удмуртского литературного языка.
В. К. Кельмаков

1931-тӥ арын Т. Борисов Москваысь Броннер нимо мединститутлэн аспирантураяз пыриз, ужаз Подмосковьеын врач-венеролог луыса.

1932-тӥ арын поттӥз удмурт-ӟуч «Удмурт кыллюкам».

Источником для данного труда послужили печатные словари конца XIX — начала XX века Ф. И. Видемана, Б. Мункачи, Г. С. Лыткина, Я. И. Ильина, В. Д. Крылова, П. Д. Горохова, С. П. Жуйкова и др.; тексты произведений удмуртского фольклора, опубликованные Ю. Вихманном, К. Гердом, И. В. Яковлевым, Сарман Педором (Ф. Корнилов), Т. К. Борисовым и др.; материалы из периодической печати; грамматики, учебники и учебные пособия; художественные произведения удмуртских писателей, изданные в 1920-е годы.

Словарь вплоть до наших дней является одним из важнейших диалектологических словарей удмуртского языка и как источник удмуртской лексики пользуется непререкаемым авторитетом у специалистов по финно-угорской этимологии.
В. К. Кельмаков

1933-тӥ арын 14-тӥ толшоре Трофим Борисовез «СОФИН» ужъя» нош ик арест улэ кыскизы но тюрьмае пуктӥзы.

Нырысь сое возизы Иркутскысь централын.

1936-тӥ арысен — Алма-Атаын.

1936-тӥ арын Елизавета Сергеевна Сороковиковаен семья кылдытӥз. Ар ортчыса, Нина нылзы вордӥськиз.

1940-тӥ арын Т. Борисов выльысь судэ сётэмын но кӧня ке арлы келямын НКВД-лэн Актюбинск лагеряз свинец поттон руднике.

1943-тӥ арын 4-тӥ инвожое со быриз, 52 аресаз мыныкуз.

1989-тӥ арын 28-тӥ куарусёнэ И.Н..Борисовлэн, К. Куликовлэн, калмык кылбурчилэн Д. Кугультиновлэн тыршеменызы Трофим Борисов вань судимостьёсызъя шонере поттэмын.